NBA-ын 74 дэх удаагийн Бүх оддын тоглолт хоёрдугаар сарын 15-17-ны өдрүүдэд Сан-Франциско хотын "Bay Area"-д болох билээ. Тэгвэл тус тэмцээнд оролцох 24 сагсан бөмбөгчдийн нэрсйг өнгөрсөн шөнө зарласан бөгөөд Чарльз Баркли, Шакил О’Нил, Кенни Смит гэсэн гурван багт хуваагдах драфт өнгөрсөн шөнө боллоо.
Энэ жилийн Бүх оддын тоглолт дүрэм өөрчлөгдөж дөрвөн баг өрсөлдөх бөгөөд хоорондоо оноолтоор таарч хожигдсон баг нь хасагдах журмаар тоглоно. Улмаар хожсон хоёр баг нь 40 оноо руу түрүүлж хүрсэн баг нь түрүүлэх юм.
Харин сонгогдсон 24 тоглогч гурван багт хуваагдах бөгөөд дөрөв дэх баг нь залуу оддын баг байх юм.
