Английн премьер лигийн 25 дугаар тойргийн хүрээнд өчигдөр хоёр тоглолт боллоо. Хүснэгтийг тэргүүлж байгаа “Челси” клуб энэ тойрогт “Бөрнли”-гийн талбайд зочилж, 1:1-ээр тэнцсэнээр хоёр оноо алдлаа. Гэхдээ тэд 60 оноотой болж, араасаа нэхэж байгаа багуудаас 10 оноогоор тасраад байгаа юм. Харин “Бөрнли” 30 оноотой 12 дугаар байрт бичигдэж байна.
Тоглолтын 7 дахь минутад Педро гоолдож, тооны харьцааг нээсэн. Харин 24 дэх минутад Робби Брэйди чөлөөт цохилтоос гайхалтай нэгэн гоолыг оруулж, “Бөрнли”-д тэнцээ авчирлаа.
Тэгвэл шинэ дасгалжуулагчтай болсноос хойш гайхалтай тоглолтыг үзүүлж буй “Суонси” талбайдаа өнгөрсөн улирлын аварга “Лестер”-ийг хүлээж авч, 2:0-ээр буулгаж авлаа. Ингэснээр 24 оноотой болж, 15 дугаар байр руу орж ирлээ. Харин “Лестер” 21 оноотой хэвээр үлдэж, 17 дугаар байрт бичигдэж байна. Тоглолтын 36 дахь минутад Моусон тооны харьцааг нээсэн бол 45 дахь минутад Ольссон гүйцээжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
