Парисын “Их дуулга” тэмцээн хоёр өдөр үргэлжилж, өчигдөр өндөрлөлөө. Тэмцээний хоёр дахь өдөр буюу өчигдөр манайхаас хүнд жингийн 5 бөх барилдсанаас +100-д хүч үзсэн Ө.Дүүрэнбаяр хүрэл медаль хүртлээ. Манай бөх эхний тойрогтоо Бразилын бөх Моура Дэвидыг ялсан бол хоёрдугаар тойрогт Киргизстаны Юрий Краковецкиг ялсан. Улмаар хэсгийн аваргын төлөө Тунисын Фэйсилыг ялсан юм.

Харин зооны аваргын төлөө Японы Руютай барилдсан ч барсангүй. Ингэснээр хүрлийн төлөө Гүржийн Гурам Тушишвилитэй барилдаж ялснаар медалийн тавцанд зогслоо. Харин 81 кг-д барилдсан Н.Дагвасүрэн торгуулийн тойрогт Солонгосын бөх Хон Сук Воныг барсангүй.

Энэ удаагийн Парисын “Их дуулга”-ыг Японы баг тамирчид 7 алт, 4 мөнгө, 2 хүрэлтэйгээр тэргүүлсэн бол Солонгос 2 алт, нэг мөнгө, 2 хүрэл авч, удаалжээ. Харин зохион байгуулагч Франц ердөө нэг алт авсан ч 4 мөнгө, 6 хүрэл медалийнхаа ачаар гуравдугаарт оржээ. Манай шигшээ нэг мөнгө, нэг хүрэлтэй 9 дүгээр байрт орлоо.