Жүдо бөхийн 2017 оны насанд хүрэгчдийн улсын аварга шалгаруулах тэмцээний медальнууд эхнээсээ тодорч байна. Дөнгөж сая эмэгтэйчүүдийн 48 кг-ын медалийн төлөөх барилдаанууд боллоо.
Энэ жинд Гавьяат тамирчин, дэлхийн аварга М.Уранцэцэг Хан-Уул дүүргийн спорт хороо, “Женко” клубын тамирчин Э.Базаррагчаатай финалдаж, ялснаар улсын аварга шалгаруулах тэмцээндээ түрүүллээ. Өнгөрсөн жилийн улсын аварга Э.Базаррагчаа гар нь гэмтсэн учраас барилдсангүй. Ингэснээр хоёр жил дараалан 48 кг-д финалдаж, мөнгөн медаль хүртлээ.
Харин хүрэл медалийг “Хилчин” спорт хорооны тамирчин Э.Уртнасан, “Аврагч” спорт хорооны тамирчин Ж.Чанцалдулам нар хүртлээ. Э.Уртнасангийн хувьд хүрэл медалийн төлөө Г.Отгонсүрэнг дарах мэхээр цэвэр ялсан. Тэгвэл Ж.Чанцалдулам хүрлийн төлөө “Монголын жүдо академ”-ын бөх Э.Нүрзэдмааг буулгаж авч, медалийн тавцанд зогсох эрхтэй болсон юм.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
