Хамгийн хүнд жинтэй бөх гэгддэг Улсын начин Б.Сугаржаргал өнгөрсөн арваннэгдүгээр сарын 28-ны шөнө УИД-ийн хажууд байрлах “Аригу” гэх бааранд дөрвөн хүнд зодуулсан талаар зарим мэдээллийн хэрэгслүүд мэдээлж байна.
Түүнийг хэсэг нөхдийн хамт сууж байхад нь гаднаас үл таних дөрвөн залуу орж ирж, Б.Сугаржаргал начны толгой руу цохин ухаан алдуулж, улмаар хагарсан шилээр нүүрийг сийчсэн байна. Энэ бүх хэрэг баарны камерт бичигдэж үлдсэн гэнэ.
Харин Б.Сугаржаргал начны ар гэрийнхэн энэ хэргийг зохион байгуулалттай байж магадгүй хэмээн үзэж буй аж. Учир нь “Аригу” гэх баарны хамгаалалтын хоёр ажилтан түүнийг зодож байхад ямар ч хамгаалах арга хэмжээ аваагүй. Мөн бааранд орж ирчихээд юу ч болоогүй юм шиг гарсан нь ийн сэжиглэхэд хүрээд байгаа юм байна.
Одоогоор Б.Сугаржаргал начин ГССҮТ-д эмчлүүлж байгаа гэнэ. Биеийн байдал нь хүнд байгаа талаар эх сурвалжууд мэдээлжээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
