Сагсан бөмбөгийн 3х3 төрлийн ХонКонгийн их дуулга буюу “FIBA 3x3 Hong Kong” Дэлхийн Их дуулга тэмцээн өчигдөр эхэлсэн билээ. Тус тэмцээнд Улаанбаатар ММС Энержи баг С хэсгийн 2-р байраар хасагдах шатанд шалгарсан. Өнөөдөр тэд хасагдах шатанд Сербийн багтай тоглоно. Хоёр багийн тоглолт 13:00 цагаас эхлэх хуваарьтай байна.

Манай залуус тэмцээнийг урьдчилсан шатнаас эхлүүлсэн бөгөөд Хятадын Шанхай багийг 22-14 болон Италийн Милан багийг 21-16 харьцаагаар хожиж хэсгийн шатанд орсон юм. С хэсэгт Себрийн Партизан болон Недирландын Амстердам багуудтай нэг хэсэгт орж эхний тоглолтоо Амстердамыг 18-17 харьцаагаар хожсон бол дараагийн тоглолтоо 10-21 харьцаагаар хожигдсон. Улмаар Улаанбаатар ММС Энержи баг 1 хожил, 1 хожигдолтой болж хэсгийн хоёрдугаар байраар гарсан юм.

Улаанбаатар ММС Энержи багийн бүрэлдэхүүнд Ариунболдын Ананд, Даваасамбуугийн Дэлгэрням, Ганхуягийн Дөлгөөн, Онолбаатарын Энхбаатар нар тоглож байна.