1,000,000 ам.долларын (3.5 тэрбум төгрөг) шагналын сантай "Intel Extreme Masters Dallas 2025" тавдугаар сарын 19-25-ны хооронд Америкийн нэгдсэн улсын Даллас хотод дэлхийн шилдэг 16 баг оролцсон тэмцээний шигшээ шатны тоглолтууд болж байна.
Тус тэмцээнд уригдаж оролцож байгаа The MongolZ баг оролцож байгаа бөгөөд А бүсийн аваргын төлөө Европын холбооны Team Vitality багтай тоглож 1-2 (Inferno 10-13, Nuke 13-7, Mirage 13-11) харьцаагаар хожигдож шигшээ шатны тоглолтыг шилдэг зургаагаас үзүүлэхээр боллоо. Тус тоглолт тавдугаар сарын 24-ний шөнө 02:15 цагаас болох бөгөөд Европын холбооны Aurora Gaming багтай тоглоно. Хоёр баг өмнө нь "IEM Dallas 2025" тэмцээний шигшээ шатанд 0-2 (Mirage 5-13, Anubis 14-16) харьцаагаар хожигдож байсан билээ.
The MongolZ эхний тоглолтоо Бразилийн Furai багтай тоглож 2-0 (Anubis 13-7, Mirage 13-7) харьцаагаар хожсон бол хоёр дахь тоглолтоо Европын холбооны G2 Esports багтай тоглож 2-0 (Inferno 13-4, Dust2 13-7) харьцаагаар хожлоо.
The MongolZ багийн бүрэлдэхүүнд дасгалжуулагчаар Баянбатын Эрдэнэдалай /maaRaa/, багийн ахлагч Мөнхболдын Содбаяр /Techno4K/, Бямбасүрэнгийн Гарьдмагнай /bLitz/, Банзрагчийн Өсөхбаяр /910/, Батболдын Аюуш /mzinho/, Мөнхболдын Азбаяр /Senzu/ нар тоглоно.
