Парис 2024 зуны олимпын сагсан бөмбөгийн тэмцээний шөвгийн дөрвөн багийн тоглолт өнгөрсөн шөнө боллоо. Эхний тоглолт эзэн орны Франц болон Германы багуудын хооронд болж эцсийн мөчид Франц 73-69 харьцаагаар хожил байгуулж аваргын төлөө шалгарч үлджээ. Тус тоглолтод Явусела 7 оноогоор багаа тэргүүлсэн бол Кординер 16 оноогоор тусалжээ. Эсрэг багаас Деннис Шройдер 18 оноог авчээ.
Харин нөгөө тоглолт болох Серби болон АНУ-ын багийн хооронд боллоо. Тоглолтын эхний гурван үе Серби гайхалтай тоглож 13 онооны зөрүүтэйгээр дөрөвдүгээр үеийг эхлүүлсэн ч Леброн, Кэвин Дурант, Стифэн Көрри, Жоэл Эмбийд нар ээлж дараалж довтолгоогоо ажилтай болгож 95-91 харьцаагаар АНУ-ын шигшээ хожиж аваргын төлөө Францын багтай тоглохоор боллоо.
Тус тоглолт Стифэн Көрри 36 оноогоор багаа тэргүүлсэн бол Леброн Жеймс 16 оноо, 12 самбар, 10 дамжуулалт гүйцэтгэж, олимпын наадмаар 2 дахь удаагаа гурван аравт буюу трипл далб гүйцэтгэсэн цор ганц тоглогч болжээ. Эсрэг багаас Богдан Богданович 20 оноогоор багаа тэргүүлсэн бол Никола Иокич 17 оноо, 5 самбар, 11 дамжуулалтыг гүйцэтгэжээ.
