Арабын нэгдсэн Эмират улсын “Эмират Эйрлайн” авиа компанийн  аяллын онгоцны тээшний хэсэг дэх тээшнээс могой гарч иржээ. Үүний улмаас Оманы нийслэл Мускат хотоос Дубай руу хийх нислэг цуцлагдсан байна. 

Авиа компанийн зүгээс болсон явдалтай холбогдуулан мэдэгдэл хийхдээ “Могой Оманаас хөөрөхийн өмнөхөн олдсон. Түүний дараа сайтар хяналт шалгалт явуулсныхаа дараа зорчигч тээврийн онгоцоо хэвийн үйл ажиллагаанд шилжүүлсэн” гэжээ.

Онгоцны тээшийн хэсгээс могой гарч ирсэн анхны тохиолдол нь энэ биш юм. Өмнө нь өнгөрөгч арваннэгдүгээр сард Мексикийн агаарын тээврийн компанийн “Аэромексик” онгоцны бизнес ангилалд  зорчиж явсан зорчигчийн дээр байрлах тээшийн хэсгээс могой унасан хачирхалтай явдал болж байв.