“Централ тауэр” төвийн 15-р давхарт гадаадын иргэн тэсрэх бөмбөг байрлуулсан гэх мэдээллийн дагуу өчигдөр цагдаагийн байгууллага шалгасан билээ.

 Тодруулбал, тус төвд байрлах оффист Дани улсын иргэн нэвтрэх гэсэн боловч оруулаагүй тул дэлбэлнэ шүү хэмээн заналхийлсэн хэмээн дуудлага өгчээ.

Дуудлагын дагуу Сүхбаатар дүүргийн цагдаагийн нэгдүгээр хэлтсийн албан хаагчид холбогдох албаны хүмүүстэй үзлэг явуулсан байна. Шалгалтын дүнд тэсрэх бөмбөг олдоогүй бөгөөд уг мэдээлэл тогтоогдоогүй аж. Харин энэхүү хэргийг АНУ-ын иргэн 51 настай М гэх этгээд үйлдсэн гэдгийг холбогдох албаныхан мэдээллээ. Одоогоор хэргийг Тагнуулын ерөнхий газар шалгаж эхэлжээ.