АНУ-ын Ерөнхийлөгчийн сонгуулийн санал хураалт явагдах байх үед нэгэн буутай этгээд гал нээсний улмаас нэг хүн нас барж, дөрвөн хүн гэмтэж бэртжээ.  Энэ явдал Лос Анжелес хотын захын Азуса  дахь санал авах байрны ойролцоо болсон байна.

Цагдаа  нарын мэдээлж буйгаар гэмт хэрэгтэн бүрэн зэвсэглэсэн байжээ. Буун дуу орон нутгийн цагаар 14.00 цагийн үед орон сууцны хорооллын орчимд болсон байна.

Буун дуу гарч эхлэх үед албаныхан санал өгөх байрны хаалгыг цоожилж,  санал авах үйл ажиллагааг үргэлжлүүлсэн аж. Тэгвэл тухайн үед есөн сартай хүүгээ тэврэн саналаа өгөхөөр ирж таарсан Элизабет Хопкинсон  NBC агентлагт өгсөн ярилцлагадаа “Гадна тас хийх дуу гарч, суман бороо орж эхэлсэн” гэж ярьжээ. Бүсгүй санал авах байранд түгжигдсэн хүмүүсийн нэг  юм.