Дэлхийн нэгэн хүчирхэг гүрэн болох АНУ-ын Ерөнхийлөгчийн сонгууль орон нутгийн цагаар өчигдөр болсон. Гэхдээ цагийн зөрүүний ялгаанаас болоод өнөөдрөөс л манайд мэдээлэл тодорхой болж эхлэх юм.

Тус сонгуульд Бүгд найрамдах намаас үл хөдлөх хөрөнгийн  магнат Доналд Трамп, Ардчилсан намаас Төрийн нарийн бичгийн дарга Хиллари Клинтон нар нэр дэвшин өрсөлдсөн.  Хамгийн сүүлчийн санал асуулгаас харахад нэр дэвшигчдийн дэмжигчдийн хувь  нэг их зөрүүгүй байсан нь  энэ удаагийн сонгуулийн дүн аль ч тал руу эргэж болзошгүйг харуулж байв. 

Тэгвэл эдийн засагчид, тэтгэвэртээ гарсан генералууд, хэвлэл мэдээллийнхэн, экс Ерөнхийлөгч хүртэл нүүрээ буруулан, Доналд Трампыг хэрхэвч Ерөнхийлөгч болохгүй хэмээн үзэж байхад эсрэгээр Хятадын зөнч сармагчин тэрбумтан эрийг сонгуульд ялна гэж зөгнөжээ.  Зөнч сармагчин Геда  Хиллари Клинтоны зурагтай самбарын доор тавьсан гадилыг идэхээс татгалзаж, улмаар Трампын урд тавьсан жимсийг идэж, бүр зургийг нь үнссэн гэнэ. Сармагчин өмнө нь Европын хөлбөмбөгийн аварга шалгаруулах тэмцээнд Португалийг ялна гэж зөгнөсөн байх бөгөөд түүний зөгнөл ёсоор  болжээ.