Английн премьер лигийн 14 дүгээр тойргийн хүрээнд өнгөрсөн шөнө хоёр тоглолт боллоо. Хүснэгтийг тэргүүлэгчдийн эгнээнд бичигдэж байсан “Ливерпүүл” клуб энэ тойрогт “Борнмут”-ын талбайд зочилж, 4:3-аар хожигдсоноор 30 оноотой хэвээр үлдэж, гуравдугаар байрт бичигдэж эхэллээ. Харин “Борнмут” 18 оноотой болж, 10 дугаар байр руу орж ирж байна.

Тоглолтын 20 дахь минутад Мане тооны харьцааг нээж, 22 дахь минутад Ориги нэгийг нэмсэн. Тэгвэл 56 дахь минутад Каллум Уилсон торгуулийн цохилтоос тооны харьцааг ойртуулав. Гэсэн 64 дэх минутад Жан хүчтэй цохилтоор гоол оруулж, “Ливерпүүл” хоёр гоолын зөрүүгээр тэргүүлж эхлэв. Гэвч “Борнмут” хариу гурван гоол оруулж, гайхалтай ялалтыг авсан юм. Фрейзер 76, Кук 78, Аке 90 дэх минутад гурвыг хийснээр талбайдаа гайхамлтай эргэн ирэлтийг хийж чадсан юм.

Тэгвэл “Манчестер Юнайтед” клуб “Эвертон”-ын талбайд зочилж, 1:1-ээр тэнцлээ. Ингэснээр хоёр оноо алдаж, 21 оноотой болсноор 6 дугаар байрт бичигдэж байна. Харин “Эвертон” 20 оноотой болж, 8 дугаар байрт бичигдэж байгаа юм. Тоглолтын 42 дахь минутад Ибрахимович гоолдож, тооны харьцааг нээсэн. Ингэснээр премьер лигт 8 дахь гоолоо оруулж байгаа юм. Тэгвэл 89 дэх минутад Лейтон Бенс торгуулийн цохилтоо тоог тэнцүүлж, багтаа нэг оноо авчирчээ.