“Алтан хүү” клубт энэ сарын 21-23-ны өдрүүдэд “Монгол Коосэн” сургуулийн нэрэмжит өндөр зэрэгтэй даамчдын тэмцээн болж өндөрлөлөө. Энэхүү тэмцээнд ОУИМ цолтон 5, ОУМ 1, ДДХМ 7, спортын мастер 17, дэд мастер 14, нийт 56 даамчин оролцож, швейцарь системээр есөн өрөг тоглосон юм.
Тэгвэл гурван өдөр үргэлжилсэн тэмцээний дүн гарахад, МУГТ, ОУИМ Д.Эрдэнэбилэг боломжит 18 онооноос 15-ыг нь авсан амжилтаар түрүүлсэн байна. Харин хоёрдугаар байрт ОУИМ Г.Ганжаргал 15 оноо авсан амжилтаар орсон бол ДДХМ Ц.Хашчулуун 13 оноогоор гуравдугаар байрт шалгарчээ. Харин эмэгтэйчүүдийн ангилалд энэ жилийн Ази тивийн АШТ-ий алт, мөнгөн медальт ОУИМ М.Нямжаргал, ОУМ М.Одгэрэл эхний байруудад оржээ.
Тусгай шагналыг ахмадуудаас дэд мастер Ц.Эрдэнэбуян, хөвгүүдээс дэд мастер Ц.Чинзориг, охидоос спортын мастер Г.Хэрлэнмөрөн нар хүртсэн байна.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
