NBA-ын талбайд плэйоффын хоёрдугаар шатны хоёр тоглолт боллоо. Филадельфи 76 талбайдаа Бостон Селтикс багтай цувралын гурав дахь тоглолтыг хийж 114-102 харьцаагаар Селтикс хожлоо. Улмаар цуврал 2-1 харьцаатай болж Селтикс тэргүүлж байгаа бол цувралын дөрөв дэх тоглолт тавдугаар сарын 8-ны шөнийн 03:30 цагт болно.

Тус тоглолтод Селтиксээс гарааны тоглогчид бүгд 13-аас дээш оноог авсан бол энэ дундаас Жэйсон Тэйтум 27 оноо, 10 самбар, 5 дамжуулалтаар багаа тэргүүлсэн бол сэлгээнээс Малколюм Брогдон 15 оноогоор тусалжээ. Эсрэг багаас Жоэл Эмбийд 30 оноо, 13 самбар, 4 халатаар багаа тэргүүлсэн бол Жэймс Харден 16 оноо, 11 дамжуулалтыг гүйцэтгэжээ.

Өнөөдөр болсон бусад тоглолтын үр дүн

Бостон Селтикс 114-102 Филадельфи 76 /2-1/

Денвер Наггетс 114-121 Финикс Санс /2-1/