Аваргуудын лигийн G хэсгийн хоёр тоглолт өнгөрсөн шөнө боллоо. Түүхэндээ анх удаа Аваргуудын лигт орж байгаа “Лестер” клубын “Үнсгэлжингийн үлгэр” үргэлжилсээр байна. Эхний тойрогт Бельгийн “Брюгге”-г 3:0-ээр “шүүрдсэн” бол хоёр тойрогт талбайдаа Португалийн хүчирхэг “Порто” клубыг хүлээж авч, 1:0-ээр хожлоо. Ингэснээр 6 оноотой болж, хэсгээ тэргүүлж байна. Тоглолтын хувь заяаг шийдсэн цорын ганц гоолыг 25 дахь минутад Алжир довтлогч Слимани оруулжээ.
Харин нөгөө талд Данийн “Копенгаген” клуб талбайдаа “Брюгге”-г хүлээж авч, 4:0-ээр буулгаж авлаа. Ингэснээр 4 оноотой болж, хэсгийн хоёрдугаар байрт бичигдэж эхэллээ. Тоглолтын 53 дахь минутад Бельгийн багийн хагас хамгаалагч Денсвил өөрийнхөө хаалганд авто гоол оруулсан. Түүний дараа 64 дэх минутад Дилэйни нэгийг нэмсэн бол Сантандер 69 дэх минутад багийнхаа гурав дахь гоолыг оруулжээ. Харин 90 дэх минутад Йоргенсен гүйцээж, багтаа гурван оноо авчирсан байна.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
