Олон улсын жүдо бөхийн холбоо /IJF/-ноос зохион байгуулж буй “Токио-2020“ олимпын эрхийн оноо олгох сүүлийн тэмцээн өчигдөр буюу зургадугаар сарын 07-ны өдөр Унгар улсын нийслэл Будапешт хотноо эхэлсэн билээ.

"Будапешт-2021" насанд хүрэгчдийн дэлхийн аварга шалгаруулах тэмцээн /ДАШТ/-ий хоёр дахь өдөр эрэгтэй 66 кг, эмэгтэй 52 кг жингийн барилдаанаар эхэлж шилдгүүдээ шалгаруулна.

Эрэгтэй 66 кг жинд ОУХМ Ё.Басхүү D хүрэл медалийн төлөө манай бөх Г.Хэрлэнг гуравдугаар тойрогт ялсан Казакстаны бөх Элдос Жумакановтой барилдах байсан ч өмнөх барилдаандаа гэмтэл авсан учраас барилдалгүй даваагаа өгчээ. Улмаар Ё.Басхүү энэ удаагийн ДАШТ-ээс хоёр хүрэл медалийг эх орондоо авчирлаа. Түүний өмнө нь өчигөдр барилдсан МУГТ М.Уранцэцэг хүрэл медаль хүртээд байсан билээ.

Тэрбээр эхний тойрогтоо Коста Рикагийн тамирчин Иан Санчо Чинчилатай барилдаж торгуулиар ялсан бол хоёрдугаар тойрогт Египетийн Мохамед Абделмавгуд базари үнэлгээгээр, гуравдугаар тойрогт Оросын тамирчин Мурад Чопановыг нэмэлт цагийн 50 секунтэд цэвэр ялжээ. Хэсгийн аваргын төлөө Японы Мурияаматай нэмэлт цагийн 2:00 минутад торгуулиар ялагджээ. Улмаар торгуулийн тойрогт Францын бөх Килиан Ле Блоучтай барилдаж нэмэлт цагийн 2:52 минутад базари үнэлгээ авч ялалт байгуулжээ.