Хөлбөмбөгийн дэлхийн аварга шалгаруулах тэмцээн 2018 онд Орост болох билээ. Тэгвэл дэлхийн аваргын урьдчилсан шатны тоглолтууд өнгөрсөн шөнө эхэллээ. Европын аваргаас хойш шинэ дасгалжуулагчтай болсон Английн шигшээ баг F  хэсэгт багтаж, эхний тоглолтоо Словакийн талбайд хийж, эцсийн мөчид 0:1-ээр буулгаж авлаа. Тоглолтын хувь заяаг шийдсэн цорын ганц гоолыг 90+5 дахь минутад Лаллана оруулж, багтаа 3 оноо авчирчээ.

Тэгвэл энэ хэсгийн нөгөө тоглолт Мальт болон Шотландын хооронд болж, зочин баг өрсөлдөгчөө 1:5-аар бутниргэж, 3 оноо авлаа. Ингэснээр хэсгээ тэргүүлж байгаа юм. Талбайн эздээс нэр төрийн ганц гоолыг 13 дахь минутад Эффионг оруулсан байна. Харин зочдоос 9, 61, 84 дэх минутад Роберт Снодграас хет-трик хийж гангарсан юм. Тэгвэл Марин 53, Стевен Флетчер 78 дахь минутад тус бүр нэгийг нэмэрлэжээ.

F хэсгийн гурав дахь тоглолт Литва болон Словены шигшээн хооронд болж, 2:2-оор тэнцлээ. Ингэснээр нэг нэг оноотой салж, гараагаа амжилттай эхлүүлсэн юм.