Оросын “Зенит” клубын хагас хамгаалагч Аксель Витцель Италийн “Ювентус” руу явахад ойрхон байгаа талаар Tuttosport мэдээлжээ. Түүнийг авах талаарх хэлэлцээр удаан хугацааны турш өрнөсний эцэст хоёр тал ойлголцолд хүрээд байгаа бололтой юм.
“Зенит”-ын дасгалжуулагч Мирча Луческу наймааг хүлээн зөвшөөрч, Оросын багийн удирдлагууд ч нэхэж байгаа үнийн дүнгээ бууруулахад ч бэлэн байгаа юм байна.
Өмнө нь Турин хотын баг ямар нэгэн урамшуулалгүйгээр 18 сая евро санал болгосон ч “Зенит”-ын удирдлагууд хүлээн зөвшөөрөөгүй юм. Харин Sky Sport-ийн мэдээлж байснаар “Ювентус” 15 саяыг төлөхөд бэлэн байгаа ч “Зенит” 22-ыг нэхсэн хэмээн мэдээлээд байна.
Витцель одоогоор Оросын лигт таван тоглолтод оролцоод байгаа ажээ.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
