Өвөр Монголын өөртөө засах орны нийслэл Хөххотод болсон жүдо бөхийн Гран при тэмцээн өчигдөр өндөрлөлөө. Тэмцээний сүүлчийн өдөр хүнд жингийнхэн барилдаж, нэг мөнгө, хоёр хүрэл медаль хүртсэн юм.
+100 кг-д барилдсан Ө.Дүүрэнбаяр Украины бөхчүүдийг ялж, шигшээд шалгарсан. Гэвч Чехийн Лукаст финалд ялагдсан юм. Ингэснээр мөнгөн медалийн тоог нэгээр нэмсэн. Харин 90 кг-д барилдсан Г.Алтанбагана Солонгос, Унгарын бөхчүүдийг ялж, хагас шигшээд шалгарсан. Гэвч Сербийн Александарт хагас шигшээд ялагдсанаар хүрлийн төлөө үлдсэн. Улмаар нутгийн бөх Э.Мөнхжаргалыг ялж, хүрэл медаль хүртлээ.
Мөн +78 кг-д барилдсан Б.Мөнхтуяа эхний тойрогт нутаг нэгт Э.Гандиймааг буулгаж авсан бол хагас шигшээд Солонгосын Хан Ми Жинд ялагдсан боловч хүрлийн төлөө Оросын Мариаг ялж, медалийн тавцанд зогсчээ.
Ийнхүү манай бөхчүүд гурван мөнгө, 5 хүрэл медаль хүртэж, багийн дүнгээр 9 дүгээр байрт шалгарлаа. Харин медалийн тоогоор Оросын араас бичигдсэн юм.
АНХААРУУЛГА:Уншигчдын бичсэн сэтгэгдэлд mminfo.mn хариуцлага хүлээхгүй болно. ХХЗХ-ны журмын дагуу зүй зохисгүй зарим үг, хэллэгийг хязгаарласан тул ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдлийг админ устгах эрхтэй. Сэтгэгдэлтэй холбоотой санал гомдлыг 99998796 утсаар хүлээн авна.
