Энэтхэгт даваа гарагийн шөнө “харийн амьтан” мэт хачин жигтэй царайтай хүүхэд төржээ.

Энэтхэгийн Бихар мужийн Катихар хотын иргэн Халида Бегум гэгч эмэгтэй мөн өдөр амаржиж, хүүтэй болсон хэдий ч, дөнгөж төрсөн нярай хүүхдээ хармагцаа л шоконд орсон байна. Шинэ нярай нь маш ховор тооцогдох эмгэгтэй төрсөн бөгөөд том нүд, маш жижиг тархитай яг л Холливудын кинон дээр гардаг харийн амьтан шиг зүс царайтай төржээ.

Бүсгүй эдүгээ 35 настай. Өмнө нь дөрвөн ч удаа төрж, эрүүл саруул хүүхэд төрүүлж байсан аж. 

Одоогоор нярайд эцэг эх нь нэр ч хайрлаагүй төдийгүй, Халида бүсгүй ойр тойрныхондоо гадуурхагдах болсон байна. Энэтхэгийн эмч нарын хэлж буйгаар хүү “Harlequin Ichthyosis” гэх генийн өөрчлөлттэй төржээ. Ийм хүүхдүүд ихэвчлэн дутуу төрдөг байна.