Авлига, албан тушаалаа урвуулан ашигласан гэх мэт хэд хэдэн үндэслэлээр буруутгагдаж буй БНСУ-ын Ерөнхийлөгч асан Пак Гын Хе өчигдөр Сөүлийн Прокурорын газарт очиж мэдүүлэг өгсөн билээ.

Улмаар энэ үйл ажиллагаа удтал сунжирсны эцэст Пак өнөөдөр өглөөний 06.55 цагт прокурорын байрыг орхижээ. Мэдүүлэг өгөх ажиллагаа өчигдөр өглөөний 09.35 цагт эхэлсэн бөгөөд бүхэл бүтэн 14 цагийн турш байцаагдан оройн 23.40 цагт дууссан  байна.

Ингээд баримт бичиг баталгаажуулах зэрэг хугацаа ороод үндсэндээ 21 цаг гаруй хугацаанд энэ үйл ажиллагаа үргэлжилсэн гэдгийг орон нутгийн мэдээллийн агентлагууд дамжууллаа. Пак Гын Хе найз Чой Сун Шилийн хамт БНСУ-ын томоохон корпорацийн нэг Самсунгаас 43.3 тэрбум воны авлига авсан гэх мэт нийт 13 хэрэгт буруутгагдаж байгаа юм.