АНУ-ын Төрийн нарийн бичгийн дарга Рекс Тиллерсон өнөөдрөөс Япон, БНСУ, БНХАУ гэсэн гурван улсад хийх айлчлалаа эхлүүлнэ. Цөмийн зэвсэг, баллистик пуужингийн туршилтаа үргэлжлүүлсээр байгаа БНАСАУ-ын эсрэг ямар арга хэмжээ авах эсэх нь  түүний энэ удаагийн айлчлалын гол хэлэлцэх асуудлын нэг байх аж.

Доналд Трампын захиргаа үүссэн асуудалтай холбогдуулан боломжит бүх хувилбарыг судалж, Япон, БНХАУ, БНСУ-уудтай хэлэлцэн Пхеньяны эсрэг шинээр ямар бодлого хэрэгжүүлэхээ нэн тэргүүнд шийдвэрлэх зорилго тавьж байгаа юм байна.

Мөн Рекс Тиллерсон БНХАУ-д айлчлах үедээ тус улсын дарга Си Зиньпин, АНУ-ын Ерөнхийлөгч Доналд Трамп нарын анхны уулзалтыг товыг тохирох гэнэ.