“Алтан унжлагат” хэмээх гал тахиа жилийн сар шинийн баярт зориулсан сар шинийн барилдаан бөхийн өргөөнд эхэллээ. Өнөө жилийн сар шинийн барилдаанд дөрвөн аварга, дөрвөн арслан хүчит бөхчүүдээ тэргүүлэн зодоглож байна.

Тодруулбал, Дархан аварга Г.Өсөхбаяр 44 насандаа сар шинийн барилдаандаа зодоглож байна. Мөн улсын аварга Г.Эрхэмбаяр, С.Мөнхбат, Ч.Санжаадамба нар цагаан сарын барилдаандаа зодоглож байгаа юм. Түүнээс гадна өнөө цагт эд барилдаж байгаа залуу арслангууд болох улсын арслан П.Бүрэнтөгс, Э.Оюунболд, Р.Пүрэвдагва, Н.Батсуурь нар барилдаж байна.

Мөн улсын гарьд, заан, харцага цолтой шилдэг бөхчүүдээс гадна аймгийн хурц арслангууд нийлсэн 256 бөх зодоглож, нэгийн даваа эхлэхэд бэлэн болло.