Германы Дюссельдорф хотноо жүдо бөхийн Гран при ангиллын тэмцээн болж байгаа билээ. Өнөөдөр хүнд жингийнхэн буюу эрэгтэйчүүдийн 90, 100, +100, эмэгтэйчүүдийн 78, +78 кг-ын барилдаанууд болох учиртай. Харин манайхаас ердөө л нэг бөх барилдах юм. Энэ удаад манай улс хүнд жинд олон жүдоч оролцуулаагүй.

Эрэгтэйүүдийн 90 кг-ын жинд Б.Бат-Эрдэнэ барилдах юм. Манай бөх эхний тойрогтоо Гүржийн Бека Гвиниашвилитэй барилдахаар оноолт таараад байна. Тэмцээний эхний хоёр өдрийн дараах байдлаар манай баг тамирчид алт, мөнгө, хүрэл медаль нэг нэгийг аваад байгаа билээ.