Дэлхийн хамгийн хаалттай улс болох Хойд Солонгосын удирдагч Ким Жон Уны ах Ким Жон Нам Малайзын нисэх онгоцны буудалд байхдаа амиа алджээ.  Түүнийг хортой зүүгээр хатгаж хөнөөсөн гэнэ.

Зарим эх сурвалжийн мэдээлснээр түүнийг үл таних хоёр эмэгтэй хордуулан, хэргийн газрыг орхин явсан ажээ.  Ким Жон Нам нь  Ким Жон Ирийн том хүү бөгөөд Ким Жон Унтай эцэг нэгт ахан дүүс юм. Тэрбээр сүүлийн жилүүдэд эх орноосоо дүрвэн, Макаод амьдарч байсан бөгөөд Хойд Солонгосын удирдагчийг залгамжлах хамгийн их магадлалтай хүнээр тооцогдож байсан юм.