Нийслэлийн Баянзүрх дүүрэгт хоёр хүний амийг хөнөөсөн хэрэг гарсан. Тодруулбал, Үндэсний цэцэрлэгт хүрээлэнгийн урд байрлах дулааны худгаас хоёр хүн шатаж нас барсан байдалтай олдсон. Энэхүү хэргийг тус дүүргийн цагдаагийн хэлтэс мөрдөн шалгасан байна.

Шалгалтын явцад уг хэргийг хэргийг Баянзүрх дүүргийн 10-р хороонд амьдардаг, 1988 онд төрсөн, эрэгтэй Б гэгч өөрийн хамтран амьдрагч 32 настай Э-тэй хамтран үйлдсэн болох нь тогтоогджээ. Гэмт этгээдүүд хохирогчдыг хоолой тус газар нь хутгалж, улмаар шатааж амийг нь хөнөөсөн байна. Одоогийн байдлаар сэжигтнүүдийг Монгол улсын Эрүүгийн хуулийн 91 дүгээр зүйлийн 91.2, 91.2.11-д зааснаар хүний амь насыг санаатай хохироосон зүйл ангиар шалгаж байгаа аж.

Мөн мөрдөн шалгалтын явцад, сэжигтэн Б нь хүн амины хэрэг үйлдсэнийхээ дараа дахин нэг иргэнийг таван удаа хутгалж хүнд гэмтэээсэн тогтоогджээ. Харин сэжигтэн Б нь хоёр хүний амь хохироож, нэг хүний эрүүл мэндэд ноцтой халдсан хэргээ хүлээж, хувийн таарамжгүй харилцаанаас үүдэн хутгалж амийг нь хохироосноо мэдүүлээд байгаа ажээ.