БНХАУ-ын Сычуань мужийн Панзихуа хотын захиргааны нэгэн албан тушаалтан хоёр хүн буудаж гэмтээснийхээ дараа, амиа хорлосон хэрэг гарчээ. Тодруулбал, тус хотын захиргаанд АМГ-ын нарийн бичгийн даргаар ажиллаж байсан 54 настай Чен Зоншу гэгч этгээд хурлын заал руу нэвтэрч, хотын дарга, намын нарийн бичгийн дарга нарын хоёр хүнийг буудсан байна.

Хохирогчид  эмнэлэгт хүргэгдсэн бөгөөд амь насанд нь аюулгүй аж. Хэрэгтэн ямар шалтгаанаар хүний амь хөнөөхийг завдсан нь  тодорхойгүй байгаа юм. Гэхдээ зарим нэрээ нууцалсан гэрчийн хэвлэлд өгсөн мэдээллээр хэрэгтэн Зоншу зөрүүд, ууртай нэгэн байжээ. Мөн найздаа буудуулсан хотын намын нарийн бичгийн дарга түүнийг үргэлж  дээрэлхэж буйг  бухимдан ярьж байсан удаатай гэнэ.