Иракийн Курдистанчуудыг дахин сэргээхэд Доналд Трамп туслах болов уу. Гэхдээ хачирхалтай нь Иракт ч АНУ-ын шинэхэн Ерөнхийлөгчийг дэмжигчид олон байдаг аж. Тэдний нэг нь Надяар Завити. Тэрбээр үл хөдлөх хөрөнгийн тэрбумтан Доналд Трамп АНУ-ын Ерөнхийлөгчийн сонгуульд ялалт байгуулсны дараа Иракын Дохук хотод байрлах өөрийн загасны рестораныхаа нэрийг  “Trump Fish” болгожээ.

Завати Трампыг сонгуулийн сурталчилгааныхаа үеэр Курдын хүчнийхнийг дэмжигч гэх хэлэхийг нь сонссоноос хойш дэмжих болсон байна. АНУ-ын шинэ Ерөнхийлөгч тангарагаа өргөснийхөө дараа тэрхүү амлалтаа биелүүлж, Курдын хүчнийхнийг дэмжин Лалын улс бүлэглэлийн эсрэг тэмцэнэ гэдэгт найдсаны үндсэн дээр шинэ ресторанаа түүний нэрээр нэрлэсэн гэнэ. Мөн рестораны лого нь  хүртэл Доналд Трампын шар үс, хөмсөг бүхий толгойн хэсгийг дүрсэлсэн байна.