Испанийн алдарт “Барселона” клуб Голландын алдарт “Аякс” клубын төвийн хамгаалагч Давинсон Санчесыг сонирхож эхэлжээ. Каталаны багийн скаутууд өдгөө 20 настай Колумбын шигшээн хөлбөмбөгчийн тоглолтыг үзэж, ажиглалт хийсэн талаар Sport.es мэдээлсэн байна.

Өнгөрсөн зуны солилцоо наймааны цонхоор Каталаны баг түүнийг авахаар тохиролцоонд хүрээд байсан ч Санчес залуучуудын багт тоглохыг хүсээгүй учир татгалзсан билээ. Тэрбээр энэ улиралд Голландын лигт 16 тоглолтод оролцож, 3 гоол оруулж, нэг гоолын дамжуулалт өгчихөөд байгаа юм.