Израилын прокурорын байгууллагаас тус улсын Ерөнхий сайд Беньямин Натянахуг авлигын хэргээр байцаажээ. Энэ талаар холбогдох яамнаас мэдээлсэн байна.

Израилын улс төрийн ертөнцийг хамарсан авлигын томоохон сүлжээг мөрдөн шалгах хүрээнд түүнээс ийнхүү мэдүүлэг авсан нь энэ аж. Түүнийг гадна дотны  чинээлэг бизнесмэнүүдээс  бэлэг барьц авсан гэх хэргээр Иерусалемын төвд байрлах ажлын байранд нь гурван цаг орчим байцаалт явуулсан байна.

 Гэхдээ одоогоор илүү дэлгэрэнгүй мэдээлэл байхгүй байгаа юм.  Беньямин Натянахугийн хувьд байцаалт өгөхөөсөө өмнө хийсэн гэм нүгэл байхгүй гэдгээ онцолж байжээ.  Хууль хяналтынхны явуулж буй авлигын хэргийн шалгалт найман сарын хугацаанд үргэлжилж буй бөгөөд эдүгээг хүртэл 50 орчим албан тушаалтныг шалгажээ.