АНУ-ын нэр хүндтэй “Time” сэтгүүл жил бүр оны хүнийг тодруулдаг уламжлалтай. Тэгвэл 2016 оны “Оны хүнээр” АНУ-ын Ерөнхийлөгчийн сонгуульд гайхам ялалт байгуулж, улс төрийн ертөнц дэх хэвшмэл ойлголтыг халж чадсан 45 дахь Ерөнхийлөгч Доналд Трампыг нэрлэжээ. 

Түүний энэ онд өрнүүлсэн шийдвэр, ажил үйлс нь сайнаар ч, муугаар ч хамгийн том өөрчлөлтийг авчирсан тул ийнхүү “Оны хүн”-д тодорхойлсон гэж сэтгүүлээс тайлбарласан байна. Харин үл хөдлөх хөрөнгийн тэрбумтан Д.Трампын тухайд NBC телевизийн “Өнөөдөр” нэвтрүүлэгт “Үнэхээр нэр төрийн хэрэг” хэмээн сэтгэгдлээ илэрхийлсэн байна.