Шинэ Зеландын Ерөнхий сайд Жон Кэй өнөөдөр ар гэрийн шалтгааны улмаас албан тушаалаасаа огцорч буйгаа мэдэгдлээ.  Тус улсын эрх баригч Ардын намыг тэргүүлж, улмаар найман жилийн турш Ерөнхий сайдын албыг хашсан тэрбээр албан тушаалаасаа буух болсон нь улс төрийн хүрээллийнхний хувьд гэнэтийн мэдээ байв.

Хэвлэлийн бага хурал зарлаж, энэ тухайгаа зарласан Жон Кэй “Эдүгээг хүртэл гаргаж байсан шийдвэрээс хамгийн хүнд нь байлаа. Цаашдаа яах тухайгаа төлөвлөсөн зүйл алга” гэж ярьжээ. Тэрбээр эхнэрийнхээ ятгалгаар дээрх шийдвэрийг гаргасан хэмээн зарим эх сурвалж онцолж байна.  

Эрх баригч Ардын намын ээлжит хурал ирэх долоо хоногт болох бөгөөд энэ үеэр шинэ намын тэргүүнийг томилох ажээ.