“Авьяаслаг монголчууд” шоуны оролцогч Ч.Цэнгүүн шоунд оролцсон цагаасаа эхлэн “Тэнгэрийн хунтайж” гэгдэж, уян налархайгаараа охид, бүсгүйчүүдийн анхаарлыг татаж, шүүгч Дээгийгээс хүртэл лагерь руу хамт явах аман урилга авч байсан удаатай.

“Тэнгэрийн хунтайж” маань өчигдөр үзэгчдийн хамгийн олон санал авсан гурван оролцогчийн нэг болж чадсан ч, шүүгчдийн саналаар шоугаа дуусгасан.  Тэгвэл түүнийг Тайландын загварын ертөнцөд эх орныхоо нэрийг гаргасан модель Б.Билгүүдэй урихаар эрэлхийлжээ.

Тодруулбал модель Б.Билгүүдэй  өөрийн цахим хуудасдаа “Ч.Цэнгүүнийг Тайландад урьмаар байна. Яг л Ч.Цэнгүүн шиг гоолиг, дур булаам биетэй залуус олон байдаг газар гэмээр юм уу” хэмээн бичсэн нь олны анхааралд өртөөд байна.

Дашрамд дурьдахад, загвар өмсөгч Б.Билгүүдэй Тайландад загвар өмсөхөөс гадна реклам, клипэнд тоглодог ажээ.