Английн “Тоттенхэм” клуб өнөө шөнө Улаанбаатарын цагаар 03:45 цагаас Францийн “Монако” клубын талбайд зочилж, хэсгийн тавдугаар тойргийн тоглолтоо хийх учиртай. Тэгвэл энэ тоглолтын өмнө “Тоттенхэм”-ийн дасгалжуулагч Маурисио Почеттино өөрийн байр суурийг хуваалцжээ.

Тэрбээр “Энэ тоглолтод манай баг ялах ёстой. Яаж хожих арга замаа ч олох хэрэгтэй. Ухаалаг тоглож, төлөвлөснийнхөө дагуу бүхнийг хийх ёстой. Эрсдэлгүй алхам гэж байхгүй. Хамгийн гол нь хөлбөмбөгт тэнцвэртэй тоглох л чухал.

Багийн бүрэлдэхүүнд хэн хэнийг гаргах вэ гэж үү. Харри Кейн, Деле Алли болон  Мусса Дембеле бүтэн 90 минут тоглохоос л хамаарна даа. Би багийнхаа тоглогчдын эрүүл мэндэд эрсдэл үүсэхийг хүсэхгүй байна” хэмээн ярьжээ.