Сүүлийн цахим ерөнцөөр тусламж хандив гуйсан мэдээ, мэдээлэл их цацагдах болсон. Тэр хэрээр сайхан сэтгэлтэй нэг нь туслах дэмжих болоод байгаа. Гэтэл сайны хажуугаар саар гэгчээр бусдын зовлонгоор ашиг хонжоо хайгчид олшрох болжээ.

Тухайлбал, энэ сарын 05-06-нд шилжих шөнө нэгэн айлд гал гарсны улмаас 3 хүн тэр дунд бяцхан орхин түлэгдэж ГССҮТ-д хэвтэн эмчлүүлж өдөрт 1-1.3 сая төлж байгаа тул бусдаас тусламж хүсч байна гэж олон нийтийн сүлжээ фейсбүүк хуудсаар хандив тусламж хүссэн мэдээлэл гарсан. Энэхүү мэдээллийг  олон хүн бусдад түгээж, зарим сайхан сэтгэлтэй хүн мэдээлэл дээр байх дансанд мөнгө шилжүүлэн сэтгэлийн дэм өгсөн байна.

Гэвч харамсалтай нь тусламж хүссэн мэдээлэлд дурдагдсан данс нь өөр хүний данс байсныг цагдаагийн алба хаагчид тогтоон шалгаж байгаа юм байна. Хэдийгээр нэг айлын гурван хүн түлэгдэн хүнд байдалтай байгаа нь үнэн хэдий ч бусдын зовлонгоор ашиг хонжоо хайгчид байхыг үгүйсгэх араггүй юм.

Цагдаагийн алба хаагчид уг асуудлыг судлан мөрдөн байцаалтын ажиллагаа явуулж байгаа бөгөөд одоогоор ямар зорилгоор өөр хүний данс бичиж олон нийтэд мэдээлэл тараасан асуудлыг шалгаж байгаа гэлээ.

Ж.Өөдлөн