Монгол Улсад үйл ажиллагаа явуулж байгаа арилжааны зарим банкны интернет банк үйлчилгээ ашигладаг хэрэглэгчийн данс руу хууль бусаар нэвтэрч, дансан дахь мөнгийг нь шилжүүлж авсан  хэрэг гарчээ. Эрүүгийн цагдаагийн газрын кибер  гэмт хэрэгтэй тэмцэх хэлтсийн алба хаагчид нийт 14 сая төгрөгийн хохиролтой, 14 хохирогчтой хэргийг илрүүлэн шалгаж байгаа аж.

Энэ хэргийг Баянгол дүүргийн гуравдугаар хороонд оршин суух эрхэлсэн тодорхой ажилгүй 23 настай эрэгтэй Б, Хан-Уул дүүргийн есдүгээр хороонд оршин суух эрхэлсэн тодорхой ажилгүй 22 настай эрэгтэй Б, Сонгинохайрхан дүүргийн 20 дугаар хороонд оршин суух эрхэлсэн тодорхой ажилгүй 25 настай Г, 22 дугаар хороонд оршин суух хаягтай БНХАУ-ын Эрээн хотод байрлах товгор үсгийн үйлдвэрт ажилладаг эрэгтэй 24 настай М, Баянгол дүүргийн наймдугаар хороонд оршин суух эрхэлсэн тодорхой ажилгүй 23 настай, эмэгтэй Э нар бүлэглэн үйлдсэн байна. 

Одоо уг хэргийн Эрүүгийн цагдаагийн газрын зохион байгуулалттай гэмт хэрэгтэй тэмцэх хэлтэст шилжүүлэн шалгалтын ажиллагаа хийгдэж байгаа юм байна. Энэхүү хэргийг үйлдсэн этгээдүүдэд Эрүүгийн хуулийн 227 дугаар зүйл Компьютерын мэдээллийг хууль бусаар олж авсан хэмээн эрүүгийн хэрэг үүсгээд байгаа аж.

Ж.Өөдлөн