“Хамгийн анхны сэжигтэн Ерөнхийлөгч”, “Ерөнхийлөгч гол хэрэгтэн байжээ” гэх мэт гарчиг бүхий нийтлэлүүд БНСУ-ын гол гол хэвлэлийн хуудаснаа бичигджээ. Тус улсын өнөөгийн Ерөнхийлөгчийн дотны найз Чой Сун Шилийг улс төрд хууль бусаар оролцуулж байсан гэх хэрэгт Пак Гын Хе холбоотой болох нь тогтоогдсон гэх мөрдөн байцаагчдын мэдэгдэл ийнхүү сонины топ материал болсон байх аж.  

Өдөр тутмын “Chosun” сонинд гэхэд “Ерөнхийлөгч Пак Гын Хе сэжигтэн болсны зэрэгцээ хуулийг ноцтой зөрчсөн байтал Үндсэн хуулийн дагуу албан үүргээ гүйцэтгэсээр байх нь. Цаашид юу ч болсон өөр арга зам байхгүй” гэдгийг онцолсон байгаа бол “JoongAng” сонинд ч “Пак Гын Хе дэмжигчдээ нэгтгэж  өөрийгөө хамгаалуулахаар төлөвлөж байна”, “Пак Гын Хе бол жирийн л нэг төрийн албан хаагч учраас яах аргагүй баривчлагдах хэмжээний нөхцөл байдалд байгаа” гэх мэтээр бичжээ.