БНХАУ-ын Шиамен хотноо энэ сарын 19-нд Оюутны дэлхийн аварга шалгаруулах 3х3 сагсан бөмбөгийн тэмцээн эхэлсэн билээ. Энэ удаагийн тэмцээнд таван тивийн шилдэг 32 эрэгтэй, эмэгтэй багууд өрсөлдөж байгаа юм. Тэр дунд Монголын шигшээ баг багтсан.

Энэхүү тэмцээнд оролцох Монголын багийн бүрэлдэхүүнд Ази тивийн 2015 оны аваргын 3х3 тэмцээний мөнгөн медальт А.Гансүх, Э.Дөлгөөн, Б.Батзолбоо, Г.Чинбат нарын тамирчид багтаж байгаа юм. Харин багийн дасгалжуулагчаар С.Тулга, ахлагчаар Мон-Алтиус БТДС-ийн захирал М.Өсөхбаяр нар хамт явах ажээ.

Тэгвэл дэлхийн Оюутны аварга шалгаруулах 3х3 тэмцээнд оролцохоор очсон манай баг маргааш орой 21:20 цагаас БНХАУ, 22:20 цагаас  Малайзын багтай тоглоно. Харин маргааш  Унгар, Тайландтай тоглох ажээ.  Нөгөө хэсэгт Франц, Австрали, Тайвань, Ливан зэрэг багууд орсон байна.