Малайзад яст мэлхийний биед шимэгчлэн амьдардаг шинэ төрлийн паразит олджээ.  Хамгийн сонирхолтой нь тус шимэгчийг нэрлэсэн шинжлэх ухааны нэр нь АНУ-ын төрийн тэргүүн Барак Обаматай тус төстэй гэнэ. Тодруулбал, “Барактрема Обамай” ажээ.

Шимэгч нь шинэ төрөл төдийгүй шинэ зүйлийнх гэдгийг эрдэмтэд онцолж байна. Яст мэлхийн биед шимэгчлэх энэ төрлийн амьтныг шинжлэх ухаанд нээсэн нь 21 жилийн дараа болж буй үйл явдал аж.  "Барактрема Обамай" шимэгчийг Индиана мужийн Гэгээн Мэригийн коллежид ажиллаж байсан Томас Платт гэгч эрдэмтэн нээжээ. Тэрбээр шимэгчийн хөдөлгөөнийг нарийн ажиглаж үзсэний эцэст Барак Обамагийн нэрээр нэрлэх болсон гэнэ.