АНУ-ын Ерөнхийлөгчийн сонгуульд Ардчилсан намаас нэр дэвшиж буй 68 настай Хиллари Клинтон хатгаа авчээ. Тэрбээр өчигдөр Нью-Йорк хотноо зохион байгуулагдсан  2001 оны есдүгээр сарын 11-ны терроризмоос хойшхи 15 жилийн гашуудлын ёслолын үйл ажиллашаанд оролцож байхдаа бие нь муудаж,  ёслолыг дуусгаж чадалгүй гэртээ харьсан аж.

Сүүлийн үед биеийн байдал нь анхаарал татаж эхэлсэн түүнийг ёслолыг дуусгалгүй гэртээ харьсан явдалд олон хүн санаа зовниж байжээ.  Тэгвэл Клинтоныг эмчлэгч эмч нь энэ сарын 9-ний өдөр Хиллари уушигны хатгаатай  гэж оношлогдсон талаар олон нийтэд мэдэгдсэн байна.  Ямартай ч, түүний биеийн байдал сайжирч байгаа ажээ.