Монголын тулааны шилдэг тамирчидын холбооны зүгээс жил бүр “MGL-1 fighting championship” тэмцээнийг зохион байгуулдаг уламжлалтай  билээ. Тэгвэл  энэ жил Японы алдарт DEEP холбоотой хамтран 7 vs 7 тулааны зохион байгуулахад бэлэн болжээ. Өөрөөр хэлбэл, Монголын шилдэг 7 тулаанч Японы шилдэг 7 тулаанчтай халз тулах юм.

Хамгийн сонирхолтой нь энэ  дунд эмэгтэй тулаанчдын нэг тулаан багтаж байгаа юм. Тулаанд Монголын чансаатай тамирчид болох Х.Амартүвшин, Ц.Амарсанаа, Б.Азжавхлан, Т.Ганбаяр, О.Пүрэв, А.Ууганбаяр нар хүч үзэх юм байна.

Долоогийн эсрэг долоон тулаанч өрсөлдөх энэхүү тэмцээн энэ сарын 24-нд Монгол бөхийн өргөөнд болох юм.