ОХУ-аас Суданд суух онц бөгөөд бүрэн эрхт Элчин сайд Миргаяс Ширинский тус улсын нийслэл Хартум хот дахь гэрийнхээ усан сангаас нас барсан байдалтайгаар олджээ. Энэ талаар Судан болон ОХУ-ын албаны хүмүүс хэвлэлд мэдээлсэн байна.

Суданы Гадаад хэргийн яамны мэдэгдэлд “ОХУ-ын Элчин сайд өнөө шөнө Хартум хот дахь гэртээ нас барсан” гэж дурьдсан байна. Одоогоор үхлийн шалтгаан тодорхойгүй байгаа юм.

Орон нутгийн цагдаагийн газраас “Франц пресс” агентлагт Элчин сайдын цогцсыг өчигдөр орой 19.05 цагт гэрийнх нь усан сангаас олсон гэж мэдэгдсэн байна.

Гэхдээ Элчин сайдын яамны ажилтны ярьж буйгаар,  зүрхний шигдээс болсон байж магадгүй гэнэ.