Францын зүүн өмнөд этгээдийн Авиньон дахь Исламын сүмийн өмнө өчигдөр шөнө буун дуу гарч, найман хүн шархаджээ. Хуулийнхан энэ удаагийн хэргийг террорист халдлага биш хэмээн мэдээлж байна.

Анхны мөрдөн байцаалтаар өчигдөр шөнө 22:30 цагийн үед хоёр эрэгтэй сүмийн ойролцоо машинаас буун гал нээжээ. Тэд гар буу ашигласан байна. Цагдаа нар “Сүм тэдний бай биш байсан. Тиймээс энэ удаагийн хэргийг террорист халдлага гэж үзэх үндэслэлгүй” гэжээ.

Харин гэрчүүд “баг өмссөн дөрвөн эрэгтэй машинд сууж байсан” гэдгийг гэрчилсэн байна. Францад зургадугаар сарын 29-нд Парисын зүүн өмнөд хэсгийн Кретейд сүмийн ханыг мөргөсөн хэрэг гараад удаагүй байгаа юм.