Үндэсний их баяр наадам тун удахгүй болно. Үүнтэй холбогдуулан наадмын тасалбарыг энэ долоо хоногоос эхлэн худалдахаар болжээ. Тодруулбал, Улсын их баяр наадмын Төв цэнгэлдэх хүрээлэнд болох нээлт, хаалт, бөхийн барилдааны тасалбарыг Соёлын төв өргөөний билетийн кассаар энэ сарын 07-ноос эхлэн худалдаалах гэнэ. Харин тасалбар гурван төрлийн үнийн сонголттой. Тухайлбал, тасалбарыг 16, 20, 24 мянган төгрөгөөр худалдах юм байна.

Дашрамд сонирхуулахад, наадмын үйл ажиллагааны орлого болох А, Б зөвшөөрөл, тасалбар хэвлэх зардал, худалдаа үйлчилгээний зөвшөөрөл зэргээс 330 сая төгрөг олохоор төлөвлөөд байгаа ажээ.