Австрийн алдартай дуучин Виктория Сваровскийгийн хурим саяхан болж, бүсгүйн өмссөн нүд гялбам даашинз олны анхаарлыг татжээ.

Тэрбээр эдүгээ 23 настай. Харин түүний нөхөр нь 40 гаруй настай бөгөөд үл хөдлөхийн хөрөнгө оруулагч Вернер Мурз аж. Тэдний хурим өнгөрөгч амралтын өдрүүдэд Италийн Трьестед болж, гурван өдөр, гурван шөнө наргиж цэнгэсэн гэнэ.

Харин алдарт үнэт эдлэлийн брэнд “Сваровский”-н өв залгамжлагч гэгддэг дуучин бүсгүй амьдралынхаа хамгийн жаргалтай өдрөөрөө өмсөх хуримын даашинзаа хөгжмийн ертөнцийн Бейонсе, Рианна, Лэди Гага, Женнифер Лопез зэрэг алдартнуудын сонгон үйлчлүүлдэг Дубайн дизайнер Майкл Синкогоор урлуулсан байна. Түүний даашинзын нийт өртөг нь 700 мянган евро болсны зэрэгцээ  500 мянган ширхэг алмазан шигтгээ оржээ. Хосууд 2010 онд танилцаж байжээ.