АНУ-ын Мичиган мужийн Флинтын Бишоп олон улсын нисэх онгоцны буудалд өчигдөр өглөө цагдаагийн алба хаагчийг нэгэн эрэгтэй хүйтэн мэсээр шархдуулсан хэрэг гарчээ. Холбооны мөрдөх товчоо энэ удаагийн хэргийг террорист халдлага хэмээн үзэж, хяналт шалгалтын ажлыг эхлүүлсэн байна.

Гэмт хэрэгтнийг эдүгээ саатуулжээ. Тэрбээр Кебек мужийн иргэн Амор Фтоухи гэгч байсан аж.

Түүнчлэн, нисэх онгоцны буудалд өөр хүн бэртэж гэмтээгүй бөгөөд, шархадсан цагдаагийн ажилтны биеийн байдал тогтворжсон байна. Мөн нисэх онгоцны буудлыг түр хаасан аж. Сэжигтэн хэрэг үйлдэхдээ 30 орчим см урт хутга гартаа барьж, “Аллах бурхан хамгийн агуу” хэмээн хашгирч байжээ.