Их Британийн нийслэл Лондон хотын баруун этгээдийн 27 давхар барилгад өнөөдөр өглөө үүрээр гал гарчээ. Энэ талаар цагдаа болон гал унтраах ангийнхан олон нийтэд мэдээлсэн байна. Гал “Грэнфелл тауэр”-т гарсан бөгөөд үүнийг унтраахаар 40 галын машин, 200 гал сөнөөгч ажилласан аж. Лондонгийн онцгой байдлын албаны твиттер хуудаст “Гал барилгын хоёр давхраас 27 давхар хүртэл тархсан” хэмээн мэдээлсэн байв.

Харин цагдаагийн газрын вэб хуудаст “Гал өнөөдөр өглөө үүрээр 01.16 цагийн үед Ланкастер Уэст Эстате тансаг зэрэглэлийн орон сууцны барилгад гарлаа” гэжээ. Тус орон сууцанд 120 өрх амьдардаг бөгөөд оршин суугчдыг нүүлгэн шилжүүлсэн ч,  утаа залгисан гэх шалтгаантай хоёр хүн эмнэлэгт хүргэгдэн эмчилгээ хийлгэсэн байна.