Орон даяар Ерөнхийлөгчийн сонгуулийн сурталчилгааны ажил өрнөж байгаа билээ. Үүнтэй холбогдуулан УИХ-ын хаврын ээлжит чуулганыг хугацаанаас нь өмнө завсарлуулахаар болжээ.

Тодруулбал, Монгол Улсын Их Хурлын тухай хуулийн 11 дүгээр зүйлийн 11.2 дахь хэсэг, 29 дүгээр зүйлийн 29.13 дахь хэсэг, Улсын Их Хурлын даргын дэргэдэх Зөвлөлийн саналыг харгалзан хаврын ээлжит чуулганыг түр завсарлуулах захирамжид Монгол Улсын Их Хурлын дарга М.Энхболд гарын үсэг зурсан байна.

Улсын Их Хурлын 2017 оны хаврын ээлжит чуулган зургаадугаар сарын 14-нөөс 28-ны өдрийг дуустал хугацаанд завсарлахаар болсон байна. Чуулган завсарласнаар гишүүд өөр өөрсдийн тойрогт очиж, намынхаа нэр дэвшигчдийг дэмжин ажиллах ажээ.