Замын цагдаагийн албаны ЖШУХ-т өнгөрсөн амралтын өдөр нийт 503 дуудлага иржээ.  Үүнээс зам тээврийн ослын 371 дуудлага бүртгэгдсэн бөгөөд осол, хэргийн улмаас 21 хүн хүнд, хөнгөн байдлаар гэмтсэн байна. 

Мөн зургаан хүүхэд зам тээврийн осолд өртсөн талаар Замын цагдаагийн албанаас мэдээлсэн юм. Тодруулбал, “Х-apartment” хотхоны замд T.Prius маркийн автомашины жолооч Б нь унадаг дугуй унаж явсан 12 настай Т-г мөргөж гэмтээсэн хэрэг гарчээ.

Мөн Чингэлтэй дүүргийн Баруун Сэлбийн гудамжинд T.Landcruiser-100 маркийн автомашин нь H.Accent, T.Pruis-30, T.Pruis маркийн автомашинуудыг мөргөсөн байна. Улмаар хэргийн газрыг орхин зугтсаныг цагдаагийн алба хаагчид шуурхай эрэн сурвалжилж, илрүүлжээ.